CCXXII.

1351, Mai 8. Kamenz.

Rüdiger von Haugwitz d. J. und seine Miterben verkaufen dem Kloster die landesherrlichen Gefälle in mehreren Stiftsdörfern.

In nomine domini amen. Nos Rudigerus de Hugewycz iunior ab ingenuissima maiestate excellentissimi Karoli domini nostri, regis Romanorum et Bohemie semper augusti, capitaneus Frankynstenensis constitutus, per presens privilegium ad universorum deferimus notionem et ad memoriam futurorum nos deliberatione matura, voluntate libera ac spontanea consensuque con­sultivo fratrum nostrorum Swidigeri et Henrici mere prehabitis, honorandis viris religiosis, domino Syghardo abbati ceterisque fratribus monasterii Kamencz eorumque successoribus ducales exactiones nostras in simplicem et certitudinalem censum redactas,

In nomine domini amen. Nos Rudgerus de Hugowicz iunior, maiestate invictissimi Karoli regis Romani et Boemie, domini nostri generosi capitaneus Frankinsteynensis ad universorum presentia intuencium pervenire cupimus nocionem, nos bona mentis corporisque valitudine, matura deliberatione consilio et consensu nostrorum fratrum Swydgeri et Henrici prehabitis, honorandis et commendabilibus viris religiosis, domino Syghardo abbati ceterisque fratribus monasterii Kamencz eorumque successoribus ducales exactiones nostras in simplicem et certitudinalem census annui redditum redactas,

quas vel quem ex paterne devolutionis successione cum fratribus nostris pretactis in villis dictorum fratrum religiosorum subscriptis, videlicet in Wolveramsdorph et in Durrendorph districtus Munstyrbergensis, in Hemerychsdorph, in Meynfridisdorph, in Henrychswalde et in Volmarsdorph districtus Frankynstenensis habuisse, possedisse et sustulisse hactenus dinoscimur, pro certa et determinata summa pecunie totaliter et complete nobis iam pagata, rite ae rationa­biliter iuste emptionis venditionisque contractu vendidisse cum omni iure, proprietate et dominio, quibus pater noster, felicis memorie, et nos cum fratribus nostris dictas exactiones seu censum habuimus, tenuimus ac possedimus, prememorato domino abbati ceterisque fratribus suis cum suis successoribus, ut prefertur, auctoritate regia nobis generaliter in hac parte commissa, predictum censum per nos venditum eis confirmantes resignamus perpetuis temporibus pacifice possidendum, abrenuntiantes pro nobis et nostris liberis libere et absolute omni impetitioni et actioni, quibus presens venditio possit aliqualiter inpediri; presentibus strennuis ac famosis viris fidelibus: dominis Hantkone de Knoblouchsdorf, Hancone de Eychilburn (militibus), Gelfrado de Stercza, Gothczalco Schaf, Petro de Cunczindorph, Dithone et Ludwyco dictis Probysthayn et Johanne de Rodestok testibus ad premissa, harum litterarum testimonio in vigorem perpetuum sigillo nostro sub appenso munitarum. Datum Kamencz octavo Ydus Maii scilicet in die sancti Stanizlai episcopi et martiris gloriosi anno domini millesimo CCC° quinquagesimo primo.

Zwei Or. Perg. An Fäden von violetter und gelber Flockseide hängt das Wappensiegel des Rüdiger v. Haugwitz (Widderkopf, Umschrift: † S . RVDIGERI . DE . HUGEWICZ.) bei A.; das S. bei B. an grünseidnen Fäden befestigt, ist losgerissen und fehlt.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.